Од идеја - до бизнис

Е-пошта Печати PDF

business-work-out

„Ако имате брилијантни идеи, но не можете да ги презентирате, вашите идеи нема да ве одведат никаде.“

Ли Лакока
Поранешен претседател на Крајслер

  Во свет каде малите бизниси се основното движечко јадро на деловниот свет, успехот на ’малите играчи’ често се должи на комбинација од: одлична идеjа, упорност, компетентност, желба за успех  и одличен  маркетинг.

  И додека големите компании често се посветени на стратегија за освојување на нови пазари и трансфер на технологија која би го усовршила постоечкиот производ, без дополнително истражување за нови идеи, потенцијалот за успех на претприемачите и малите бизниси е во иновативната идеја.

  Доколку за пример земеме компанија која прави кујнски апарати, бројни студии укажуваат на фактот дека компанијата не е заинтересирана за иновативни идеи од иноватори, кои на пример би и понудиле нова технологија за производство на лим. Овој факт пред се се должи на констатацијата дека целокупниот асортиман на репроматеријали од типот на прекинувачи, лим и останато, се од познат добавувач. Причината е едноставна, компанијата отфрла идеа која е надвор од основната дејност. Но, често клучна улога за отфрлање на овие револуционерни идеи се и финансиските средства, бидејќи пазарната стратегија на големите организации најчесто се базира на големи продажни проекти.

  Претприемачи: Шансата е тука!

  За таа цел, во прилог се наоѓаат неколку совети, како вашата идеја да се претвори во успешен бизнис:

  • Започнете со една идеја, која е резултат на вашите страсти, цели, компетенции, ресурси и толеранција за ризик;
  • Размислувајте за сите ’агли’. Проценете ја идеата објективно, темелно и на аналитички начин, притоа не занемарувајќи ги и според вас т.н. ’неважни’ сегменти;
  • Имајте повратна информација (freed-back). Контактирајте со луѓе кои веќе имаат искуство, добро го познаваат пазарот, потенцијални клиенти, претходници, конкуренти. Секоја информација е важна.
  • Соодветно одговорете на повратните информации. Направете адаптација на првобитниот концепт, бизнис-план, производ, идеја, пазарна стратегија, согласно новите сознанија;
  • Изградете го основниот производ/услуга;
  • Започнете!
  • Постојано тестирајте го ’тоа’ што го правите и ’како’ го правите. Секогаш може подобро;
  • Направете прилагодувања;
  • Растете;
  • Проширете се!
*Автор: м-р. Иво Кузманов
Joomla Templates and Joomla Extensions by ZooTemplate.Com
 

НБРМ

Прод.
Куп.
EUR
61.8318
61.2166
USD
53.111
52.5825
GBP
69.001
68.3145
CHF
55.9513
55.3946
SEK
6.4279
6.3639
NOK
6.6261
6.5602
JPY
0.4767
0.4719
DKK
8.3143
8.2316
CAD
42.1657
41.7462
AUD
42.0653
41.6468
Превземено на 22.07.2017

You are here: Почетна Планирај бизнис Бизнис План Од идеја - до бизнис