Дајте му на вашиот бизнис одржливост и зрелост

Што сакаат КУПУВАЧИТЕ???

Е-пошта Печати PDF

 

Купувачите го дефинираат бизнисот

непознат автор

 

 

Она што го правите, она што го продавате и она што го промовирате има само една јасна цел – купувачот и неговото задоволување.

Најкомплексната и најзначајната личност за еден бизнис претставуваат купувачите. Тие се и почеток и средина и крај на секој бизнис. Комплексни се затоа што нивните потреби се една од најпроменливите категории, а токму тие потреби претставуваат фокусот на секој претприемач и секој бизнис.

За да успеете мора постојано да си ги поставувате вистинските прашања кога станува збор за вашите купувачи, а едно од поважните е: Што е она што вашите купувачи сакаат вие да го знаете?

Иако одговорот може да има повеќе стотици потреби кои што треба да ги знаете, сепак, тука се групирани најважните 10.

 

  1. Вистинските проблеми и потреби на купувачите.
  2. Она што ги прави среќни.
  3. Она што ги прави успешни.
  4. Она што им го заштедува времето.
  5. Да ги знаете нивните емоции.
  6. Да ги знаете нивните фрустрации.
  7. Да знаете како да ги слушате.
  8. Да знаете кога тие ви го посветуваат нивното внимание.
  9. Да знаете како да ги разберете.
  10. Да знаете како да им помогнете.

Добро, сега кога знаете што треба да знаете, не значи дека вашата работа е завршена. Вашата задача е да продолжите со градење на вашиот бизнис токму околу овие знаења.

Но, за да започнете со градењето ќе треба првин да го стекнете знаењет, а тоа е единствено со градење на вистински системи преку кои ќе комуницирате со вашите купувачи и ќе ги барате одговорите кои ви се потребни.

Дури потоа, откако ќе го имате знаењето ќе можете да започнете со имплементација на наученото преку подобрување на вашите бизнис-процеси, вашата понуда, вашата вредност, и самите производи или услуги кои што ги нудите.

 

*Оригиналниот текст е превземен од pretpriemac.com, Автор: Драган Шутевски

Joomla Templates and Joomla Extensions by ZooTemplate.Com
 

БОН ТОН

Е-пошта Печати PDF

freecomplimentthumb1Денес ви носам мала реприза од тоа што се случува во Шведска, како дел од мастер програмата што ја следам. Неколку интересни и мудри работи, за кои обично не не учат на факултет.

5 : 1 – Комплимент : Критика сооднос

- Martin Kalunga – Banda, консултант за организациски промени и лидерство, Специјален консултант на претседателскиот кабинет во Замбија, супер инспиративно суштество.

Без разлика колку сме сите паметни и убави, сме биле во ситуација кога ќе видиш нешто што те нервира, те вади од такт и сакаш веднаш да скокаш во критикување и праќање на се живо и диво по морските длабочини.

За жал, тоа не е најдобра стратегија ако сакаш да смениш нешто, и да не изгубиш работа, пријател, евентуално око за 3 минути.

Осигурај се дека знаеш како да дадеш значење и вредност на добрите работи, пред да ги критикуваш не толку добрите.

 

Joomla Templates and Joomla Extensions by ZooTemplate.Com
Повеќе...
 

Што е тоа, во што можете да бидете најдобри во светот?!

Е-пошта Печати PDF
AthleteJumpingBoxer„Што и да бидеш, биди добар во тоа.“

Абрахам Линколн,
еден од претседателите на САД

  Одличните компании го оствариле, и принципот „Што е тоа во што можеме да бидеме најдобри во светот" го сочинува темелот на нивната трансформација „Oд добри до одлични".

  Во листата која следува се наоѓаат одлични компании кои се воделе според првиот круг од Концептот на ежот („Што е тоа во што можеме да бидеме најдобри во светот"), но не се наброени дејностите во кои тие биле подобри од другите (поголем број од нив не биле во ништо најдобри). Оваа листа го покажува нивното разбирање на сопствените можности, односно сознанието што е тоа во што можат да станат најдобри во светот.

АБОТ ЛАБОРАТОРИ

  Оваа компанија имала шанса да стане најдобра во производството на артикли кои ја намалуваат цената на лекување.

  Раководството на компанијата Абот се соочило со фактот дека нема шанса да станат најдобра фармацевтска куќа, без разлика на тоа што фармацевтските производи сочинувале 99% од нивното производство. Го преместиле својот фокус на асортиман на производи кои придонесуваат за намалување на цената за лекување, пред сè на нутриционистички болнички производи и дијагностички средства и апарати.

ЦИРКУИТ СИТИ

  Имале шанси да станат најдобри во имплементацијата на моделот „4­S" на продажба во голем сразмер „услуга, асортиман, заштеда, задоволство" (service, selection, savings, satisfaction; од тука „4­S").
Менаџментот на компанијата Циркуит сити сфатил дека можат да станат Мекдоналдс во трговијата, со оглед на тоа дека се способни да водат географски раширен систем. Нивната посебност не била во самиот „4­S" модел, туку во фактот што тие го спроведувале тој модел упорно и без грешка.

ФАНИ МЕЈ

  Компанија со потенцијал да стане најсилен играч во сè што има врска со хипотеки.

  Клучните сознанија биле: (1) согледување на фактите дека компанијата може да опстане на пазарт за капитал рамо до рамо со која било компанија на Волстрит и (2) согледувањето дека компанијата може да развие способност да го процени ризикот во осигурувањето поврзано со хипотеките.

ЖИЛЕТ

  Ја виделе својата шанса во креирањето глобални брендови во областа на артиклите за секојдневна употреба, чиешто производство бара софистицирана технологија.

  Во компанијата Жилет сфатиле дека поседуваат необична комбинација на две различни вештини: (1) способност да произведат милијарди евтини производи (на пример, бричеви) и (2) умешност за да креираат глобални брендови – нешто што би било Кока­Кола во светот на бричевите или четкички за заби.

 КИМБЕРЛИ-КЛАРК

  Компанијата имала шанса да стане најдобра во производството на хартиени артикли за широка потрошувачка.

  Клучниот квалитет на компанијата била способноста во рамките на индустријата за хартиени производи да креира брендови што ги укинуваат категориите, односно оние кај кои името на производот станува синоним за самата категорија (на пример Клинекс, кој стана синоним за хартиени шамивчиња).

КРУГЕР

  Биле потенцијално најдобри на полето на иновативни супер комбинирани продавници.

  Компанијата Кругер отсекогаш била добра по прашањето на иновација на полето на продавници за мешана стока. Го употребила својот талент и го применила врз проектот за креирање комбинирани продавници кои содржат голем број иновативни мини­ продавници под еден покрив.

НУКОР

  Компанијата Нукор имала потенцијал да стане најдобра од сите во производството на евтин челик.

  Клучните луѓе во компанијата Нукор сфатиле дека располагаат со фантастична умешност во две категории:
1. создавање култура на голема ефикасност и
2. далекусежни вложувања во нови технологии на производство.
Со комбинирањето на овие два таленти компанијата станала произведувач на најевтиниот челик во САД.

ФИЛИП МОРИС

  Имале можност да станат подобри од сите во креирањето лојалност на брендот на цигари и, подоцна, останатите придружни производи.

  Во раната фаза на транзицијата, раководителите на компанијата Филип Морис сфатиле дека имаат потенцијал за да станат едноставно најдобрата тутунска компанија во светот. Со текот на времето компанијата започнала да се свртува кон нетутунски дејности (тоа е чекор кој го презеле сите тутунски компании, како дефанзивна мерка), но секогаш останала во близина на базата, благодарение на која создала бренд, занимавајќи се со производство на т.н. грешни производи (пиво, тутун, чоколада, кафе) и воопшто прехранбени производи.

ПИТНИ БАУС

  Раководството на оваа компанија ја препознала шансата во развојот на системот за комуникација и размена на пораки во самата фирма, со примена на софистицирана опрема.

  Додека компанијата се мачела да излезе на крај со конкуренцијата на полето на поштенски услуги, на виделина излегле две работи: (1) свесност за тоа дека Питни Баус всушност не е поштенска компанија, но дека може да го пронајде своето место во рамките на пошироката дефиниција (размена на пораки) и (2) дека се исклучително добри во опремување канцеларии со софистицирани машини за интерна комуникација.

ВОЛГРИНС

  Компанија со потенцијал да се развие во синџир на најдобри аптеки во светот.

  Станало јасно дека Волгринс не треба да биде само синџир на аптеки, туку дека клучната работа е прашање на достапност. Започнала систематска потрага по најдобри локации кои ќе даваат можност за локалот да биде достапен – од што произлегол концептот на натрупување во ограничен радиус како и пионерската идеја drive thrugh аптека. Извршени се и сериозни вложувања во технологијата (вклучувајќи го развојот на интернет-страниците) со цел продавниците Волгринс да бидат поврзани ширум светот и да сочинуваат една гигантска „аптека на аголот".

ВЕЛС ФАРГО

  Ја виделе својата шанса во управувањето со банката на начин на кој се управува со претпријатие, со фокус на западниот дел на САД.

  Менаџерите на банката Велс дошле до два официјални увида. Пред сè, поголемиот број банки размислуваат за себе како за банки, се однесуваат на тој начин и ја одржуваат банкарската култура. луѓето во банката Велс Фарго ја доживувале како фирма која случајно се занимава со банкарство. Мотото „Ние го водиме бизнисот" и „Го водиме бизнисот како да е наш приватен" станале мантри. Како второ, сфатиле дека немаат шанси да бидат најдобри во светот во улогата на супер глобални банки, но дека можат да бидат без грешка, ако се фокусираат на западниот дел на САД.

*Оригиналниот текст е превземен од: Капитал, 17 јули 2012г. Автор: Џим Колинс - „Од добри - до одлични“

Joomla Templates and Joomla Extensions by ZooTemplate.Com
 

Виолетова крава во вашиот излог!

Е-пошта Печати PDF

purplcowСе надевам дека и самиот наслов ќе биде „Виолетова крава“ за да те поттикне да прочиташ понатаму. Како тоа? Мислам на нешто впечатливо, нешто неодминливо, нешто поинакво од другите. За да се случи тоа во светот на продажбата, односно да му се случи на твојот производ, треба тој да се разликува од другите. И тогаш не ти треба маркетинг. Како да го направиш тоа доколку производот веќе постои? Веќе е доцна за било каков нов или уникатен дизајн, кампања која се воведува месеци однапред, или пак, во краен случај, производот е толку генерички што не може ни којзнае колку да се маркетира.

Читајќи ја „Виолетова крава“ од Сет Годин, застанав за момент да размислам како се однесувам јас како потрошувач. Тогаш се сетив на некои необични ситуации, при кои имам купено многу обични и секојдневни работи од многу необични места. На пример, имам купено лак за нокти од менувачница, како и прекрасни обетки од Саемот за книга. Што бара лак за нокти во менувачница? Ете тоа е виолетовата крава која се шета заедно со остатокот црно-бели. Кога ми здосади од цел ден гледање книги, а тоа главно беа популарни бестселери, на секоја тезга истите, ги здогледав блескави, обетките кои едноставно морав да ги имам!

 

Joomla Templates and Joomla Extensions by ZooTemplate.Com
Повеќе...
 

Eра на разгалени потрошувачи: нема назад!

Е-пошта Печати PDF

convenient200gConvenience – не знам како со еден збор да го преведам зборов на македонски, но на англиски значи многу – значи твојот производ да им биде на дофат на твоите потрошувачи секогаш и секаде, да не мора да се мачат за да го најдат или добијат, да не мора да патуваат, возат или пребаруваат за истиот. Доколку се работи за услуга, процесот на добивање на истата да биде брз, лесен, разбирлив, да нема чекање, да не ги чини многу време и пари и слично. На македонски би било „да им биде згодно“  .

За да постигнат компетитивна предност на пазарот, со помош на новите технологии, пионерите во своите области ги направија сите работи да бидат по-convenient или по“згодни“ за потрошувачите, затоа што знаеја дека за тоа можат да извлечат и „премиум“ цена. Е, дојде време кога потрошувачите (клиентите) се навикнаа на тоа, се навикнаа секогаш и секаде да добиваат брза услуга, да добиваат многу информации и да ги разбираат доста работите со кои се соочуваат при користењето на производот и услугата. Што значи дека сакаш-неќеш, мораш да ги следиш пионерите во тој тренд.

Joomla Templates and Joomla Extensions by ZooTemplate.Com
Последно освежено ( Четврток, 12 Јули 2012 08:27 ) Повеќе...
 
Страница 8 од 46

НБРМ

Прод.
Куп.
EUR
61.8318
61.2166
USD
53.111
52.5825
GBP
69.001
68.3145
CHF
55.9513
55.3946
SEK
6.4279
6.3639
NOK
6.6261
6.5602
JPY
0.4767
0.4719
DKK
8.3143
8.2316
CAD
42.1657
41.7462
AUD
42.0653
41.6468
Превземено на 24.07.2017

You are here: Почетна Развивај Бизнис